കാലുകൾക്ക് ഭാരമാണ്,
മടിയാണ് പടിയിറങ്ങാൻ..
എത്ര കുതറിയിട്ടും പിടിവിടാതെ നീ..
അടർത്തിമാറ്റാൻ
ഞാനെത്ര സങ്കടം വിഴുങ്ങണം..
അടർത്തിമാറ്റാൻ
ഞാനെത്ര സങ്കടം വിഴുങ്ങണം..
പ്രാണൻ മുറിച്ചകറ്റി
പുറപ്പെടുമ്പോൾ
ഇരമ്പിപ്പെയ്യുന്ന നിന്മിഴികളെ
കണ്ടില്ലെന്ന് നടിക്കും
പുറപ്പെടുമ്പോൾ
ഇരമ്പിപ്പെയ്യുന്ന നിന്മിഴികളെ
കണ്ടില്ലെന്ന് നടിക്കും
പുറത്ത് വരാൻ
വെമ്പുന്നൊരു കരച്ചിൽ
പല്ലുകൾക്കിടയിൽ
പിടയുന്നുണ്ടാകും.
വെമ്പുന്നൊരു കരച്ചിൽ
പല്ലുകൾക്കിടയിൽ
പിടയുന്നുണ്ടാകും.
ഓരോ നിമിഷവും പ്രാർത്ഥിക്കും,
ഏറെ മോഹിക്കും
യാത്ര മുടങ്ങിയെങ്കിലെന്ന്..
ഏറെ മോഹിക്കും
യാത്ര മുടങ്ങിയെങ്കിലെന്ന്..
ചെവിയിലിരമ്പുന്നുണ്ട്,
കൊന്നിട്ട് പൊയ്ക്കൂടെയെന്ന്
നിന്റെ വിതുമ്പൽ.
കൊന്നിട്ട് പൊയ്ക്കൂടെയെന്ന്
നിന്റെ വിതുമ്പൽ.
നീ വീണ്ടും മറന്നു;
ഓരോ വേർപാടും
മരണം തന്നെയെന്ന്.
ഓരോ വേർപാടും
മരണം തന്നെയെന്ന്.